Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi “Şuşa İli”nə həsr olunmuş xüsusi müsabiqənin nəticələrini açıqlayıb.
Bildirilib ki, qrant müsabiqəsinə 8 istiqamət üzrə 227 layihə təqdim olunub. Onlardan 22 QHT layihəsinin maliyyələşdirilməsi haqqında qərar qəbul edilib. Qeyd edək ki, qalib olan 22 QHT-dən 10-u Azərbaycan Milli QHT Forumunun üzvüdür. Bu münasibətlə, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəhbərliyinə və kollektivinə öz minnətdarlığımızı bildirir, müsabiqədə qalib olan bütün QHT rəhbərlərini təbrik edir, fəaliyyətində uğurlar arzu edirik!
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “Şuşa İli”nə həsr olunmuş xüsusi müsabiqəsində qalib olan Azərbaycan Milli QHT Forumuna üzv təşkilatların siyahısını təqdim edirik.
| № | QHT adı | Rəhbərin adı | Layihənin adı |
| 1 | Sahibkarlığa və Bazar İqtisadiyyatının İnkişafına Yardım Fondu | Sabit Bağırov | “Döndükdə gəlirimiz olsun” |
| 2 | Əlil Təşkilatları İttifaqı | Davud Rəhimli | “Hamı üçün müyəssər Şuşa” |
| 3 | İctimaiyyətlə Əlaqələrin Inkişafinda Kömək İB | Şəlalə Həsənova | “Mədəniyyət kodu-Şuşa” adlı lonqrid |
| 4 | “Ekonomiks” Beynəlxalq İqtisadi Araşdırmalar İb | Fikrət Yusifov | ABŞ-da və Avstriyada “Şuşa İli”nə həsr edilmiş silsilə tədbirlər |
| 5 | Azərbaycanın İşğal olunmuş Ərazilərindəki Tairx və Mədəniyyət Abidələrini Müdafiə Təşkilatı | Faiq İsmayılov | İşğal dövründə Şuşanın maddi-mədəni irsinə vurulmuş zərərin araşdırılması |
| 6 | Xan Şuşinski Fondu | Bəyimxanım Verdiyeva | Xaricdə “Şuşa İli” çərçivəsində “Qarabağ Azərbaycandır” adlı konsertin təşkili |
| 7 | “Sağlam İnkişaf və Maarifləndirmə” İB | Anar Xəlilov | “Şuşa” Virtual Təbliğat Mərkəzi |
| 8 | Cəmiyyətin və Medianın İnkişafı | Lalə Azərtaş | Şuşanı tanıyaq, tanıdaq! |
| 9 | Azərbaycan Milli Kulinariya Assosasiyası | Tahir Əmiraslanov | “Qarabağ mətbəxinin inciləri” |
| 10 | Azərbaycan İqtisadçılar İttifaqı | Ziyad Səmədzadə | “Şuşa rayonunun demoqrafik, sosial-iqtisadi inkişaf vəziyyəti və perspektivləri” mövzusunda tədqiqatın aparılması |
